El festival va celebrar la so séptima edición los díes 26, 27 y 28 de xunu
La cita va tener dos ubicaciones: l'Espaciu FMC, ubicáu na Fundación Educativa Santo Domingo n'Uviéu, y la Central Artística de Güeñu en La Ribera
Uviéu, 15 de xunu de 2026. Llega l'anunciu que munchos taben esperando: VESU anuncia los horarios y les ubicaciones de los conciertos pa la so séptima edición, que vuelve recuperar Uviéu como epicentru del festival y que va contar col sofitu de la Fundación Municipal de Cultura del Ayuntamientu d'Uviéu y del Ayuntamientu de La Ribera.
To los conciertos van celebrase ente'l venres 26 de xunu y el domingu 28 de xunu en dos ubicaciones distintes: l´Espaciu FMC, que va tar asitiáu en El Campillín, na Fundación Educativa Santo Domingo – Dominicos, Bien d´Interés Cultural y que dende la organización quier ponese en valor, y la Central Artística de Güeñu (CAB) nel conceyu La Ribera.
Los conciertos del venres van celebrase nel Espaciu FMC y van empezar con Sobrezero (19:30h), que va ser la primer banda en subise al Escenariu Vibra Mahou. Dempués va ser la vez pa Dora Band (con Pimp Flaco y Kinder Bueno) nel so únicu conciertu en festivales esti branu (20:40h); Snake Eyes (22:15h). Mujeres va cerrar los conciertos del primer día (23:50h) y la DJ xixonesa Lucía Dilema va ser la encargada d'acompañar colos sos amiestos a los asistentes a VESU.
El sábadu va arrancar la xornada nel mesmu espaciu que'l día anterior y Las Petunias van ser les encargaes d´abrir (13:00h). Darréu van xubise al escenariu los gaditanos DenisDenis (14:25h).
La tarde va arrancar nel mesmu llugar col Conciertu Vibra Mahou de La Sonrisa de Julia (19:00h) pa siguir con Depresión Sonora (20:35h). La vez de los asturianos Puño Dragón va llegar a les 22:20h, mientres que María Arnal va cerrar la xornada (00:10h) con Mediocre al mandu de la cabina de DJ de VESU durante toa la xornada.
Pal domingu, col sofitu del Ayuntamientu de La Ribera, la CAB (Central Artística de Güeñu) va ser el zarru con una fiesta familiar y pa la reciella que va tar protagonizada per Begut (13:00h), col so primer trabayu, y la colorida puesta n´escena de la Billy Boom Band (14:15h). Diskreepo va poner el restu de notes musicales pa que´l públicu quede con ganes de más VESU.
Venres 26 de xunu (Espaciu FMC – Escenariu Vibra Mahou – Uviéu)
19:30h Sobrezero
20:40h Dora Band
22:15h Snake Eyes
23:50h Mujeres
DJ: Lucía Dilema
Sábadu 27 de xunu (Espaciu FMC – Escenariu Vibra Mahou – Uviéu)
13:00h Las Petunias
14:25h DenisDenis
19:00h Conciertu Vibra Mahou de La Sonrisa de Julia
20:35h Depresión Sonora
22:20h Puño Dragón
00:10h María Arnal
DJ: Mediocre
Domingu 28 de xunu (Central Artística de Güeñu – CAB – La Ribera)
13:00h Begut
14:15h Billy Boom Band
DJ: Diskreepo
Les entraes de día y los abonos de VESU, que tién un añu más el sofitu Vibra Mahou, la plataforma de música de Mahou Cinco Estrellas qu´impulsa les esperiencies cinco estrelles alredor de la música en direuto, puen mercase na web www.vesuoviedo.com a un preciu de 30€+GG pa la xornada del venres, 45€+GG pa la del sábadu, 5€ la entrada única del vermú del domingu y 60€+GG nel casu de los abonos pa tou o festival.
