El festival va celebrase del 26 al 28 de xunu ente l´Espaciu FMC y la CAB de Gúeñu con actuaciones de Mujeres, María Arnal, Depresión Sonora, La Sonrisa de Julia, Puño Dragón o Billy Boom Band, ente otros
Uviéu, 24 de xunu de 2026. Ya ta too preparao pa la séptima edición de VESU (26-28 xunu). El festival vuelve esti fin de selmana consolidando la so apuesta pola música en direuto con una programación partía ente Uviéu y La Ribera gracies al sofitu de la Fundación Municipal de Cultura del Conceyu d´Uviéu y del Conceyu de La Ribera.
La programación va poder vese en dos espacios: l´Espaciu FMC, asitiáu n´El Campillín, dientro de la Fundación Educativa Santo Domingo – Dominicos, y la CAB de Gúeñu (Central Artística de Bueño), que va volver a convertise n´escenariu de la xornada de clausura del festival.
El vienres 26 de xunu, l´Escenariu Vibra Mahou del Espaciu FMC va dar el pistoletazu de salida a VESU con una intensa xornada de conciertos. Sobrezero va ser la primer banda en xubir al escenariu (19.30h), seguida por Dora Band (20.40h), nuna de les sos poques actuaciones d´esti branu. La nueche va siguir con Snake Eyes (22.15h) y va terminar col direuto de Mujeres (23.50h). La DJ xixonesa Lucía Dilema va poner la banda sonora ente conciertos y al zarru de la xornada.
El sábadu 27 de xunu, el festival va volver al Espaciu FMC con una doble sesión. La programación del vermú va arrancar con Las Petunias (13.00h) y DenisDenis (14.25h). Ya pela tarde va llegar unu de los momentos destacaos del fin de selmana col Conciertu Vibra Mahou de La Sonrisa de Julia (19.00h). Dempués va ser la vez de Depresión Sonora (20.35h), Puño Dragón (22.20h) y María Arnal (00.10h), encargada de cerrar la segunda xornada. Mientres tol día, Mediocre va tar al frente de la cabina de DJ.
La despidida de VESU va llegar el domingu 28 de xunu na CAB de Bueño, gracies al sofitu del Conceyu de La Ribera. La xornada familiar va tener les actuaciones de Begut (13.00h) y Billy Boom Band (14.15h), amás de la sesión de Diskreepo, encargáu de poner el broche final a esta séptima edición.
HORARIOS VESU 2026
Vienres 26 de xunu
Espaciu FMC – Escenariu Vibra Mahou – Uviéu
- 19.30h Sobrezero
- 20.40h Dora Band
- 22.15h Snake Eyes
- 23.50h Mujeres
- DJ: Lucía Dilema
Sábadu 27 de xunu
Espaciu FMC – Escenariu Vibra Mahou – Uviéu
- 13.00h Las Petunias
- 14.25h DenisDenis
- 19.00h Conciertu Vibra Mahou de La Sonrisa de Julia
- 20.35h Depresión Sonora
- 22.20h Puño Dragón
- 00.10h María Arnal
- DJ: Mediocre
Domingu 28 de xunu
Central Artística de Bueño (CAB) – La Ribera
- 13.00h Begut
- 14.15h Billy Boom Band
- DJ: Diskreepo
Les últimes entraes de día y abonos puen mercase en www.vesuoviedo.com. Los precios son de 30€ + gastos de xestión pa la xornada del vienres, 45€ + gastos de xestión pa la del sábadu, 5€ pa la entrada del vermú del domingu y 60€ + gastos de xestión pal abonu completu del festival.
VESU tién un añu más el sofitu de Vibra Mahou, la plataforma de música qu´impulsa esperiencies cinco estrelles alredor de la música en direuto, conectando artistes y públicu al traviés d'alcuentros únicos.